തെലങ്കനായിലെ നിര്‍മല്‍ കുണ്ഡല ജില്ലയിലെ സുദ വാഗു പുഴയിൽ കനത്ത മഴയെ തുടർന്ന് പാലം തകർന്നു. അതോടെ പുഴയ്ക്ക് അക്കര കടക്കാൻ പാലമില്ലാതെ ആളുകൾ വലഞ്ഞു. അധികൃതരോട് പറഞ്ഞിട്ടും ഫലമുണ്ടാകില്ലന്ന് അറിയാവുന്നതുകൊണ്ട്തന്നെ ആളുകൾ പ്രശ്നത്തിനൊരു പോംവഴി കാണാൻ തയാറായി. എന്താണന്നല്ലേ,
ഇരുമ്പ് പൈപ്പ് കൊണ്ടുവന്ന് അതിലൂടെ പുഴയ്ക്ക് അക്കരെ കടന്നു പോകാൻ ഗ്രാമവാസികൾ ശ്രമിച്ചു. ഇരുന്പ് പെപ്പ് കുറുകെവച്ച് അതുവഴി നിരങ്ങി അപ്പുറത്ത് എത്തുകയായിരുന്നു. ഇതിന്‍റെ വീഡിയോ പെട്ടന്ന് വൈറലായി.
വീഡിയോയിൽ ഒരാൾ ഇരുന്നുകൊണ്ട് ഇരുമ്പ് പൈപ്പിലൂടെ നീങ്ങുന്നതിന്‍റെ ദൃശ്യങ്ങളാണ് ഉള്ളത്. വീഡിയോ കണ്ടാൽ ആർക്കായാലും ഭയം തോന്നിപ്പോകും. ജീവൻ പണയം വച്ചാണ് ആളുകൾ പൈപ്പിലൂടെ നിരങ്ങിപ്പോകുന്നത്.
വീഡിയോ വൈറലായതോടെ നിരവധി ആളുകളാണ് കമന്‍റുമായി എത്തിയത്. പാവപ്പെട്ടവന്‍റെ പ്രശ്നത്തിന് അല്ലങ്കിലും പരിഹാരമില്ലല്ലോ എന്നാണ് പലരും വിമർശിച്ചത്.
